له‌ هێرشێکدا چه‌کدارێکی داعش کوژراو یه‌کێکی دیکه‌ش بریندار بوو

شانه‌ی راگه‌یاندنی ئه‌منی عێراق ئه‌مڕۆ شه‌ممه‌ كوژرانی چه‌كدارێكی داعش و برینداربوونی كه‌سێكی دیكه‌ی ئه‌و رێكخراوه‌ی له‌ پارێزگای كه‌ركوك رایگه‌یاند.

شانه‌كه‌ له‌ راگه‌یه‌نراوێكیدا گوتی: له‌ هه‌وڵێكی نزیك بوونه‌وه‌ به‌ره‌و گوندی مه‌قام له‌ پارێزگای كه‌ركوك ، تیرۆریستێك كوژراوه‌ و كه‌سێكی دیكه‌ش برینداربووه‌.

هه‌روه‌ها گوتیشی: رووبه‌رووبوونه‌وه‌ له‌گه‌ڵ هێزه‌ ئه‌منییه‌كانی ئه‌و ناوچه‌یه‌ روویداوه‌ و ده‌ست به‌سه‌ر چه‌كی ئه‌و تیرۆریسته‌ كوژراوه‌دا گیراوه‌ كه‌ كلاشینكۆفێك و ئاڕپی جییه‌ك بووه‌.

وه‌رگێڕان و داڕشتنه‌وه‌ی / رزگار

ژێده‌ر / میدیای عێراق