ئهمڕۆ سێشهممه 2020/6/2 مهسرور بارزانی، سهرۆكی حكومهتی ههرێمی كوردستان پێشوازی له ماتیۆ تولهر باڵیۆزی ئهمهریكا له عێراق كرد.
له دیدارهكهدا كه ستیڤن فهیگن كونسوڵی گشتی ئهمهریكا له ههولێر ئامادهی بوو، بارودۆخی عێراق و ناوچهكه و پهرهپێدانی پهیوهندییهكانی ههرێمی كوردستان و ئهمهریكا تاوتوێ كرا.
باڵیۆزی ئهمهریكا له عێراق ئاماژهی به گرنگیی دایهلۆگی ستراتیجی نێوان وڵاته یهكگرتووهكانی ئهمهریكا و عێراق كرد، كه بڕیاره لهم مانگهدا ئهنجام بدرێت و ههرێمی كوردستانیش تێێدا بهشدار دهبێت. گوتیشی ئێمه ههموو ههوڵێك بۆ یارمهتیدانی عێراق و ههرێمی كوردستان دهدهین ، بهتایبهتیش بۆ تێپهڕاندنی ئهم دۆخه ئابوورییه سهختهی به هۆی بڵاوبوونهوهی كۆرۆناوه هاتووهته ئاراوه.
سهرۆكی حكومهتی ههرێمی كوردستان جهختی له گرنگیی بهشداریی ههرێمی كوردستان كردهوه له دایهلۆگی ستراتیجی نێوان عێراق و ئهمهریكا به شێوهیهك كه ئهنجامهكانی له بهرژهوهندی گشتی تهواوی پێكهاتهكانی عێراقدا بێت.
کۆمێنت (0)
تا ئێستا هیچ کۆمێنتێک نەکراوە.