بەڕێوەبەرایەتی پۆلیسی پارێزگای هەولێر رایگەیاند، دوای کۆکردنەوەی زانیاری لەسەریان، شەوی رابردوو سێ کەسیان بە تۆمەتی "دزینی ئۆتۆمبێلێک و دوو تەن كێبڵی كارەبا دەستگیرکردووە و بە گوێرەی مادەی 444 لە یاسای سزادان راگیراون.
بەڕێوەبەرایەتی پۆلیسی پارێزگای هەولێر لە راگەیەنراوێکدا ئاماژەی بەوەشکردووە، هێزەکانی پۆلیسی هەولێر دوای كۆكردنەوەی زانیاری و لێكۆڵینەوەی وورد، درەنگانی شەوی رابردوو توانییان ناسنامەی سێ تۆمەتبار بە ناوەكانی (ا.ق.ف) و (م.ع.ت) و (س.س.هـ) ئاشكرا بكەن، "كە ئۆتۆمبێلێك و (دوو تەن) كێبڵی كارەبایان لە دوو كۆمپانیا دزیوە".
ئەوەش هاتووە، تۆمەتباران دانیان ناوە بە تاوانەكەیاندا، بۆیە بە پیێ ماددە (444) لە یاسای سزادان، بەندكران و دراونەتە دادگا.
کۆمێنت (0)
تا ئێستا هیچ کۆمێنتێک نەکراوە.