سیستانی دوای زیادبوونی ژماره‌ی تووشبووانی کۆرۆنا نامه‌یه‌ک ئاراسته‌ی عێراقییه‌کان ده‌کات

نووسینگه‌ی عه‌لی سیستانی ،مه‌رجه‌عی باڵای شیعه‌كانی عێراق ئه‌مڕۆ شه‌ممه‌، دوای زیادبوونی ژماره‌ی تووشبووانی ڤایرۆسی كۆرۆنا، نامه‌یه‌كی ئاراسته‌ی عێراقییه‌كان كرد.

سیستانی له‌نامه‌كه‌یدا كه‌ ئاراسته‌ی سه‌رجه‌م عێراقییه‌كانی كردووه‌ ده‌ڵێت: له‌كاتێكدا كه‌ ژماره‌ی تووشبوون به‌ ڤایرۆسی كۆرۆنا به‌شێوه‌یه‌كی چاوه‌ڕوان نه‌كراو له‌سه‌رجه‌م ناوچه‌كان زیاد ده‌كات، به‌تایبه‌تی له‌به‌غدای پایته‌خت، جارێكی دیكه‌ داواتان لێده‌كه‌م زیاتر خۆتان بپارێزن و بایه‌خ به‌ رێنماییه‌ خۆپارێزییه‌كان بده‌ن و خۆتان له‌شوێنی قه‌ره‌بالغ بپارێزن ، هاوكات له‌یه‌كتر نزیك مه‌بنه‌وه‌و ده‌ست كێش و ده‌مامك به‌كاربهێنن و رۆژانه‌ ده‌سته‌كانتان بشۆن و به‌مادده‌كانی پاككردنه‌وه‌ ته‌عقیمی بكه‌ن.

وه‌رگێڕان و داڕشتنه‌وه‌ی / رزگار

ژێده‌ر / میدیای عێراق