وه‌زاره‌تى دارایی و ئابووری هه‌رێمی كوردستان بڵاوی كرده‌وه كه بەسەرپەرشتی ئاوات شێخ جەناب وەزیری دارایی و ئابووری و بە میوانداری وەزیرانی پلان دانان و ئاوەدان كردنەوەو نیشتەجێكردن و سەرۆكی دیوانی ئەنجومەنی وەزیران و سەرۆكی فەرمانگەی هەماهەنگی و بەدوا داچوون و سكرتێری ئەنجومەنی وەزیران و ئەندامانی ئەنجومەنی وەزارەتی دارایی و ئابووری كۆبونەوەی ژمارە (5)ی ئاسایی خۆی لە دیوانی وەزارەت به‌رێوه‌چوو.
رایده‌گه‌یه‌نن ، كە ناوەرۆكی كۆبوونەوەكە تایبەت بوو بە پرۆسەی چاكسازی و جێبەجێ كردنی پەیرەوی یاسای چاكسازی.
لە كۆبونەوەكەدا، وەزیری دارایی وئابووری، ڕایگەیاند: پرۆسەی چاكسازی لە كارە هەرە لەپێشینەكانی ئەم كابینەیە، كە فاكتەری سەرەكیە لە پرۆسەی بەگژداچوونەوەی ئاڵنگاریە ئابووری و داراییەكان.
هه‌ر لە میانی كۆبونەوەكەدا بەشداربووان تیشكیان خستە سەر دۆخی دارایی و ئابووری ئێستای كوردستان و بژاردەكانی بەردەم حكومەت بۆ چارەسەر كردنی قەیرانەكان و سەركەوتن لە بواری جێبەجێكردنی یاسای چاكسازیدا.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.