ژووری ئۆپراسیۆنی پارێزگای هەولێر رایگەیاند، بەهۆی پابەندنەبونیان بەرێنماییە تەندروستییەکان و ڕێکارەکانی خۆپارێزی لە ڤایرۆسی کۆرۆنا، لەسنوری هەر 10 قایمقامیەتەکەی پارێزگای هەولێر، 72 شوێن داخران.
ژووری ئۆپراسیۆنی پارێزگای هەولێر لە راگەیەندراوێکدا رایگەیاند، لەلایەن لێژنەکانی چاودێری و تەندروستی دوای بەدواداچون و پشکنین بۆ شوێنەکانیان و بەهۆی پابەند نەبونیان بەرێنماییە تەندروستییەکان و ڕێکارەکانی خۆپارێزی لە ڤایرۆسی کۆرۆنا، لەسنوری هەر 10 قایمقامیەتەکەی پارێزگای هەولێر، 72 شوێن داخران.
ئاماژەی بەوەکردوە، لە پێناو پارێزگاریکردن لە تەندروستی گشتی و پاراستنی هاوڵاتییان و بەرگرتن لە بڵاوبونەوەی ڤایرۆسی کۆرۆنا، داواکارن لە سەرجەم هاوڵاتییان و کاسبکارانی سنووری پارێزگای هەولێر، پابەندبن بە ڕینماییە تەندروستییەکان.
ژووری ئۆپراسیۆنی پارێزگای هەولێر باسی لەوەشکردوە، بەپێی رێکارەکانی خۆپارێزی لە ڤایرۆسی کۆرۆنا پێویستە هاوڵاتیان و کاسبکاران دەمامک و دەستکێش ببەستن، تاوەکو بەهەمووان تەندروستی و سەلامەتی شارەکە ببپارێزن.
کۆمێنت (0)
تا ئێستا هیچ کۆمێنتێک نەکراوە.