فرۆکه‌ جه‌نگییه‌کانی تورکیا باره‌گاکانی په‌که‌که‌یان له‌ شنگال و چیای قه‌ره‌چوغ و که‌مپی مه‌خمور بۆردومان کرد

سوپای توركیا ئۆپەراسیۆنێکی بەناوی چنگی هەڵۆ بۆ سه‌ر بنكه‌ و باره‌گاكانی په‌كه‌كه‌ ده‌ستپێكرد و له‌ كاتژمێره‌كانی دره‌نگانی شه‌وی ڕابردوو و سه‌ره‌تای ئه‌مڕۆ دوو شه‌ممه‌ باره‌گاكانی په‌كه‌كه‌ی له‌ چیای شنگال و چیای قه‌ره‌چوغ و كه‌مپی مه‌خمور بۆردومان كرد. 

هه‌ر له‌وباره‌یه‌وه‌ وه‌زاره‌تی به‌رگری توركیا ڕایگه‌یاندووه‌ كه‌ لە چوارچێوەی ئۆپەراسیۆنی چنگی هەڵۆدا هه‌شتا و یه‌ك ئامانجی په‌كه‌كه‌ خاپورکراون کە بریتی بوون لە پەناگە و حەشارگەی چەک و تەقەمەنی.

 شیاوی باسه‌ بۆردومانی سوپای توركیا بۆ سه‌ر باره‌گاكانی په‌كه‌كه‌ تاوه‌كو كه‌مێك له‌مه‌وبه‌ر به‌رده‌وام بوو .