پۆلیسی ھه‌ڵه‌بجه‌: له‌ گه‌ڕاوی به‌مۆدا هاوڵاتییه‌ک گیانی له‌ده‌ستدا

كاتژمێری‌ 9ی‌ شه‌وی رابردوو له‌گوندی (گمه‌)ی سه‌ر به‌ناحیه‌ی به‌مۆ ھاوڵاتیه‌ك له‌ گه‌ڕاوی به‌مۆ گیانی له‌ده‌ستدا و تا ئێستاش هۆكاری‌ گیان له‌ده‌ستدانه‌كه‌ی‌ نه‌زانراوه‌.

رائید به‌رزان عوسمان، وته‌بێژی پۆلیسی پارێزگای ھه‌ڵه‌بجه‌ له‌ راگه‌یه‌ندراوێكدا  ئاماژه‌ به‌وه‌ ده‌كات  كه‌ هاووڵاتیه‌كه‌ ناوی (م. ا.ع.)ه‌ و ته‌مه‌نی 52 ساڵه‌ و له‌ناو ژوری گه‌ڕاوه‌كه‌ی ناحیه‌ی به‌مۆ گیانی له‌ده‌ست داوه‌.

وته‌بێژی پۆلیسی پارێزگای ھه‌ڵه‌بجه‌  راشیده‌گه‌ێنێت ،  كه‌ له‌ئێستادا بۆ هۆكاری گیان له‌ده‌ستدانه‌كه‌ی ته‌رمی ھاوڵاتیه‌كه‌ ره‌وانه‌ی پزیشكی دادی قه‌زای ده‌ربه‌ندیخان كراوه‌ و دۆسیه‌ی  لیكۆڵینه‌وه‌ی له‌ بنكه‌ی پۆلیسی به‌مۆ بۆ ڕێكخراوه‌.