په‌یامێک له‌ پارێزگاری سلێمانیه‌وه‌

پارێزگاری سلێمانی داوا لەو کەسانە دەکات کە لە ڤایرۆسی کۆرۆنا چاکبوونەتەوە، لە هەڵمەتی بەخشینی پلازمای خوێن بەشداری بکەن.

ئازیزان..

دۆخی تەندروستیی ژمارەیەک لە هاونیشتمانیەکانتان، کەسوکارو ئازیزانتان، بەهۆی گیرۆدەبوونیان بە پەتای کۆرۆناوە، لە بارێکی مەترسیداردان، ژیانیان پێویستی بە هەڵمەت و هەناسەو هەنگاوی ژیرانەو مەردانەو خۆنەویستانەو دڵسۆزانەی یٔێوە هەیە، داواخوازین بەشداری بکەن لە بەخشینی پلازمای خوێن بۆ یٔەوەی بە ویژدانێکی یٔاسودەوە بەشداری بکەن لە ژیاندنەوەی مرۆڤایەتیدا.

پارێزگای سلێمانی جگەلەوەی بۆ مێژووی یٔەم نیشتمانە ناوی بەڕێزتان (لە لیستی گەشی ژیاندنەوەی مرۆڤایەتیدا) تۆماردەکات، یٔامادەیە خەڵاتی هەرکەسێکیش بکات، کە دەستپێشخەریی لە بەخشینی پلازمای خوێندا دەکات.

ژیان چاوەڕێتانە..

د.هەڤاڵ یٔەبوبەکر
پارێزگاری سلێمانی
١٦/ ٦/ ٢٠٢٠