سەرۆکی ھەرێمی کوردستان له‌گه‌ڵ نێردەی تایبەتی سکرتێری گشتی نەتەوەیەکگرتووەکان لە عێراق کۆبوویەوە.
ئێواره‌ى ئه‌مڕۆ شه‌ممه 20/6/2020 له به‌غدا به‌ڕێز نێچيرڤان بارزانى، سه‌رۆكى هه‌رێمى كوردستان، له‌گه‌ڵ خاتوو جينين پلاسخارت، نوێنه‌رى سكرتێرى گشتيى نه‌ته‌وه يه‌كگرتووه‌كان له عێراق كۆبووه‌وه.
له كۆبوونه‌وه‌كه‌دا هه‌ردوولا تيشكيان خسته سه‌ر دۆخى سياسى و ئابووريى عێراق و لێكه‌وته‌كانى په‌تاى ڤايرۆسى كۆرۆنا و جه‌ختيان له گرنگى و پێويستيى هاوكارى و هه‌ماهه‌نگيى هه‌موو لايه‌نه عێراقييه‌كان بۆ تێپه‌ڕاندنى قه‌يرانه‌كان كرده‌وه.
ده‌ستبه‌كاربوونى كابينه‌ى تازه‌ى حكوومه‌تى عێراقى فيدراڵ به سه‌رۆكايه‌تيى به‌ڕێز مسته‌فا كازمى و كێشه‌كانى هه‌رێمى كوردستان و حكوومه‌تى فيدراڵ و دياڵۆگ و هه‌وڵه‌كان بۆ چاره‌سه‌ركردنيان له‌سه‌ر بنه‌ماى ده‌ستوور، ته‌ورێكى ديكه‌ى كۆبوونه‌وه‌كه بوو.
نێچيرڤان بارزانى، جه‌ختى له ئاماده‌ييى هه‌رێمى كوردستان بۆ چاره‌سه‌ركردنى كێشه‌كان له‌گه‌ڵ حكوومه‌تى فيدراڵ له چوارچێوه‌ى ده‌ستووردا كرده‌وه و ئاماژه‌ى به گرنگيى ڕۆڵى نه‌ته‌وه يه‌كگرتووه‌كان له عێراق و چاره‌سه‌ركردنى كێشه‌كان كرد.
کۆمێنت (0)
تا ئێستا هیچ کۆمێنتێک نەکراوە.