ئه‌مڕۆ چوارشه‌ممه ته‌رمی پیاوێكی 60 ساڵان له گوندێكی سه‌ر به قه‌زای زاخۆ دۆزرایه‌وه‌كه ئاسه‌واری 6 گولـله به جه‌سته‌یه‌وه بووه.
له‌مباره‌یه‌وه ئه‌یاد نوری، په‌یامنێری كوردستان تیڤی له‌زاخۆ پێیڕاگه‌یاندین: لە گوندی خیزاڤای سەر بە ناحیه‌ی باتیفا لە سنووری قه‌زای زاخۆ ته‌رمی كه‌سێكی 60 ساڵان بە کوژراوی دۆزرایەوە.
ڕاشیگه‌یاند: کوژراوەکە خەلکی گوندی کەشانە ئەمڕۆ بەیانی لە ماڵ چووه‌ته ده‌ره‌وه و دوای چەند کاتژمێرێك تەرمەکەى دۆزراوەته‌وه.
له‌م باره‌یه‌وه ئەمیر عەلی، بەرپرسی ڕاگەیاندنی ته‌ندروستی زاخۆ بو کوردستان تیڤی رایگەیاند: قوربانییه‌كه ئاسه‌واری شەش گولـله به جه‌سته‌یه‌وه بووه و فیشه‌كه‌كانیش به‌ر سینگ و سه‌ری كه‌وتبوون.
بە گوتەی کەس و كاری قوربانییه‌كه‌ش، ئەو کەسە ھیچ کێشەیەکی خوێنداری نەبووه، هه‌ربۆیه گومان لە پەکەکە ده‌كه‌ن و ده‌ڵێن: ئه‌گه‌ری زۆره كه لەلایەن چەکدارانی پەکەکەوه کوژرابێت.
کۆمێنت (0)
تا ئێستا هیچ کۆمێنتێک نەکراوە.