ئەمڕۆ پێنجشەممە دوو هەزار و 437 تووشبووی نوێ بە پەتای ڤایرۆسی كۆرۆنا لە عێراق تۆمار كران، 107 تووشبووی پەتاكەش گیانیان لەدەست دا.
وەزارەتی تەندروستی و ژینگەی عێراق لە راپۆرتی رۆژانەی خۆیدا بڵاوی كردەوە لە ماوەی 24 كاتژمێری رابردوودا بەرزترین ڕێژەی تووشبوون بە پەتاكەیان تۆمار كردووە و ژمارەی تووشبووە نوێیەكان گەیشتووەتە دوو هەزار و 437 كەس. بە پێی راپۆرتەكە، زۆربەی تووشبووەكانی ئەمڕۆ لە پارێزگاكانی بەغدا، بەسرە، زی قار و میسانن.
هەروەها لە دوێنێوە یەك هەزار و 237 تووشبووی پەتاكە لە عێراق چاك بوونەتەوە، 107 تووشبووش گیانیان لەدەست داوە، بەم شێوەیە تا ئێستا لە عێراقدا 39 هەزار و 139 تووشبووی پەتاكە تۆمار كراون، 18 هەزار و 51 تووشبوو چاك بوونەتەوە، 19 هەزار و 651 تووشبوو لە نەخۆشخانەكاندا چارەسەری وەردەگرن و یەك هەزار و 437 تووشبووش گیانیان لەدەست داوە.
کۆمێنت (0)
تا ئێستا هیچ کۆمێنتێک نەکراوە.