شانەی راگەیاندنی ئەمنی عێراق ئەمڕۆ بڵاویكردەوە كە 8 تیرۆریستی رێكخراوی تیرۆریستی داعش لە ئاكامی بۆردومانی هێرشە ئاسمانیەكانی هێزەكانی هاوپەیمانان لە پارێزگای سەلاحەدین كوژران .
بەپێی راگەیەندراوەكە فرۆكەكانی هاوپەیمانی نێودەوڵەتی زنجیرەیەك گورزی ئاسمانی بۆ سەر ئامانجێكی مۆڵگەكانی تیرۆریستانی داعش وەشاند لە زنجیرە چیای خانۆكە لە چوارچیوەی پرۆسەكانی ناوچەی سەلاحەدین . دوای بۆردومانەكە هێزە عێراقییەكان چوونەتە شوێنی بۆردومانەكە و دەركەوتووە كە گورزە ئاسمانییەكە 8 كوژراوی تیرۆریستانی جێهێشتووە و ئامانجی گورزەكەیان پێكاوە 14 مۆلگەی تیرۆریستانیش بەتەواوی لەناو براون
سوهێل تاهیر ... كوردستان تیڤی
کۆمێنت (0)
تا ئێستا هیچ کۆمێنتێک نەکراوە.